Awe nochi pa mas o menos 9:20pm, miembronan di siguridad di Cuerpo Especial Arubano (CEA) cuidando edificio di Cocolishi a nota cu huma ta sali for di e edificio cera unda antes tabata Silver Palace Restaurant. A pidi presencia mesora di Bomberonan pa por domina e candela eyden.
Na yegada di e prome unidad di Bombero, a constata cu huma tabata saliendo for di dak di e edificio. A activa mesora, drenta paden y a purba kibra e blafon pa por yega na origen di e candela. Por lo menos un bombero eynan a bisa cu e sospecho ta cu lo por ta un fayo di coriente.
E intencion di Gabinete Eman II tabata pa crea henter un comunidad di instancianan gubernamental rond di centro di gobernacion di nos pais, cu entre otro Plaza Padu Lampe, e edificio nobo di Cocolishi, Parlamento di Aruba y Gabinete di Gobernador. A purba diferente biaha pa cumpra e edificio pa hacie un departamento di gobierno, pero parce cu na final no a keda cla.