Awe nochi den careda di 9:30pm a sosode un atraco arma na Jamanota # 1. Ey bisiñanan a scucha grito pidiendo pa ayudo urgente, pa cual nan a avisa polis mesora. Parce cu tres persona a yega cu arma, a menasa e doño di cas y a horta placa y joyas for di dje, lagand’e traumatisa atras.
E victima, cu un bos masha spanta, a conta polis cu e atracado a menas’e cu morto! A keda traumatisa pa e forma con a papia cu ne, menas’e y a horta su pertenencianan.
Durante investigacion a saca afo cu e atracado(nan) a bandona e sitio den un auto marca Chevrolet color color scur modelo bieu cu e number A-38853. Tin tur indicacion cu e number di auto no ta cuadra cu e modelo di e auto indica. Polis tin e caso bou di investigacion.
