Landsrecherche a saca un comunicado awe informando cu un ex mandatario y un persona mas a keda deteni relaciona cu investigacion yama Begonia. Un di nan ta un ex Minister y kende awo ta miembro di Parlamento di Sint Maarten.
E informe ta menciona cu diamars den oranan di mainta e sospechosonan CTE (Christophe Emmanuel) y MAR a keda aresta door di Detectivenan Nacional di Sint Maarten. Un di e sospechosonan ta un miembro di Parlamento y ta ex Minister di VROM. E otro sospechoso tabata Hefe di Gabinete di VROM durante e mesun periodo di Gobernacion di e ex Minister deteni. Pues Marisha Richardson.
Despues di un investigacion largo a detene e dos personanan aki bou sospechoso di abuso di nan funcion, falsificacion, of complicidad den e delitonan, durante e periodo cu nan ta traha bou di e gobernacion anterior. E sospechosonan ta wordo acusa di ilegalmente otorga terenonan erfpacht (di Gobierno) na conocinan na final di nan gobernacion na 2017. Como resultado di nan acto, otro hendenan cu a haci peticion a keda den desbentaha (perhudica).
Foto Cortesia: The Daily Herald
