Diabierna ultimo, dia 19 di november, a tuma luga e ATIA Annual Corporate Event titula Survived COVID, caminda cu tabatin varios panelista dunando informacion y analisis valioso pa loke ta trata e temporada cu comercio y Aruba en general a pasa aden. Tabatin varios panelista cu a trece nan pensamento dilanti.
E tabata un evento cu a tuma luga na Tierra del Sol y bon atendi. Despues di e evento, un y tur por a netwerk y comparti idea.
Herrick Henriquez, director di ATIA a remarca cu e evento aki tabata uno cu ATIA ta haci anualmente. E ta un di e ‘main fundraisers’. Aña pasa no a haci e evento, apesar cu nan a haci 75 aña. Apesar cu ta bek un tiki mas normal e aña aki, a organis’e y a hacie un toch mas safe posibel.
E miembronan di panel tabata den e luga, mientras cu e networking tabata parti pafo den aire liber, cual tabata mas sigur pa tur hende.
Henriquez a menciona cu nan tabatin mester di e expertonan Arubiano pa por bin splica nan situacion durante COVID, con nan a pasa den dje, con a sobrevivi y con nan a surpasa e expectativa pa hasta crece durante COVID.
Pa loke ta ATIA mes, nan lo sigui cada kwartaal cu ‘business mixers’, eventonan chikito pa miembro y no-miembro. Pa otro aña lo bin cu Women in Leadership Conference, cu ta e evento pa comparti cu e hende muhenan y pa nan crece. Tambe lo bay tin diferente tayer, yuda cu retooling di henter e sector comercial y e empleadonan. Ta loke cu ATIA kier yega otro aña. Pocopoco pero sigur.
Hubert Dirks, director d Compra Ltd. tabata un di e panelistanan presente durante di e evento aki.
El a trece varios perspectiva dilanti ta cuminda. E ta haya cu ta algo hopi importante den e crisis di COVID, ta un di e temanan cu el a toca. “Tur hende ta bay coy cuminda etc. y si tin un cantidad grandi cu por mantene un situacion den futuro,” el a menciona. El a sigui splica cu a siña y logra, pero pa futuro pa por ta prepara y no na momento cu e crisis tuma luga, nos ta man na cabes ta busca kico pa haci.
Gobierno tin cu cuminsa traha for di awo pa kico cu sosode pa asina por ta cla pa enfrenta e reto ey.
Minister di economia mr. Geoffrey Wever, kende a agrega di su banda di ta contento cu el a participa den e evento. Ta sumamente importante pa dialoga comercio. Ta trata aki di un asociacion di gobierno cu sector priva, y cu ta e unico manera pa bay dilanti.
E tabata un evento hopi interesante pa scucha e experiencia di e comerciantenan local cu a sobrevivi COVID, con nan a hacie. Semper ta hopi bon pa mira con creativo e mente entrepeneur Arubiano ta. Segun e mandatario tabata interesante pa intercambia di idea. Tabata sigur un tremendo evento y ta contento di tabata invitado den e evento aki di ATIA, unda cu por a intercambia di idea di comercio.
