Diasbra anochi alrededor di 8:30 pm a sosode un accidente riba e caminda di Cumana. Entre un auto marca Kia modelo Rio di Pizza Hut y un H1 Van color blanco. E auto di parti pizza tabata for di Morgenster direccion Cumana y e H1 for di Cumana direccion Morgenster.
E H1 color blanco a crusa dilanti di e Rio sin pone atencion, consecuentemente e Rio a alcans’e. Daño material na ambos auto tabata basta.
Polis a presenta pa tuma tur informacion necesario. Debi na e accidente, pizza a yega laat pa algun cliente. Un otro colega cu ta parti pizza a yega na sitio y a tuma e pizzanan over p’asina sigur cu toch e clientenan ricibi nan pizza cayente. E chauffeur di e van no por a demostra un rijbewijs valido na sitio.
