Secretario di Estado, encarga cu asuntonan di Reino Raymond Knops den su bishita na Aruba
a reuni cu varios persona na Aruba. Un di e reunionnan importante tawata esun cu tur Minister presente den Conseho di Minister na unda tur minister a duna un presentacion pa
loke nan ta para p’e den nan vision. Secratario Knops a keda impresiona cu e visionnan di
Gobierno y e plan con lo eherce esakinan pa bienestar di nos pais.
Despues di dicho reunion, Sr. Knops a reuni cu Prome Minister sra. Evelyn Wever-Croes,
Minister di finanzas sra. Xiomara Ruiz-Maduro y Minister Plenipotenciario sr. Guillfred
Besaril na unda a elabora riba e tema financiero. Sr. Knops a haya un splicacion amplio di e
situacion financiero unda a haci e comparacion di Aruba como un trein cu den e ultimo
añanan a cay for di e rails. Y awo e Gobierno aki kier pon’e back riba rails. A splica Knobs
tambe cu awo Gobierno ta deliberando cuanto aña lo tuma pa pone Aruba bek riba e
trayectoria cu nos mester ta. Riba mes un dia, Secretario Knops a reuni cu Minister di Husticia y despues tambe cu diferente personanan den nos comunidad y tambe cu oposicion na unda el a indica na Prome Minister cu e tawata tin un reunion habri cu nan.
Secretario Knops a expresa cerca Prome Minister cu den su biahe aki e atencion cu el a haya
a dune un bon impresion di Aruba y di Gobierno y ta sinti un energia y gran positivismo. Sr.
Knops tambe ta kere cu Aruba lo logra tur e metanan cu a propone. Prome Minister sra.
Evelyn Wever-Croes a comparti e sentimento di Secretario Knops di e siguiente manera:
“Secretario Knops a bay bek Hulanda ayera nochi cu un impresion positivo di e manera cu
Aruba ta y di e Gobierno nobo. El a expresa cu el a sinti un energia y positivismo pa logra
metanana proponi. Y esaki sigur ta un motibo tambe pa cua Hulanda ta dunando nos un
espacio pa elabora nos plan aunke e ta un espacio limita por lo tanto nos ta trahando duro pa esaki keda cla mas pronto posibel”.
