Un di e varios reunionnan di Premier Evelyn Wever-Croes na Hulanda ta cu Staatssecretaris Raymond Knops. Un reunion hopi importante pa establece confinansa bek.
Raymond Willem Knops ta naci na Hulanda dia 10 di november 1971 awendia ta Secretario di Estado pa Asuntonan Interior y di Relacionnan den Reino, desde dia 26 di october 2017. E ta un miembro di e partido Christen Democratisch Appèl (CDA) y tabata miembro di Parlamento di Hulanda desde aña 2005.
Evelyna Christina “Evelyn” Wever-Croes ta naci na Aruba dia 5 di december 1966 y actualmente ta Minister Presidente di Aruba. El a asumi e posicion dia 17 di november 2017, encabesando e coalicion di MEP (9), POR (2) y RED (1). E ta e prome hende muhe pa asumi e funcion di Minister Presidente di nos pais. E ta lider di Partido MEP desde aña 2011. E ta e prome hende muhe pa encabesa e partido politico tambe, actualmente e di dos partido mas grandi na Aruba (22.061 voto) despues di partido AVP (23.376 voto).
