Desde cambio di ley di e Codigo di procedimento penal (‘Wetboek van Strafvordering’) na 1997, a opta pa separa e autoridad di supervisa (‘toezicht’) for di esun di por investiga (‘opsporing’) y a duna duaneronan autoridad general pa supervision. Sinembargo, tempo y leynan a bin ta cambiando y desde 2012 na Departamento di Duana ta sinti necesidad pa duna duaneronan e autoridad bek di opsporing, mescos cu polis tin!
Na december 2015, bou di Gabinete Mike Eman II, a manda un carta na Minister di Finansas, Angel Bermudez, pero e carta no a haya e debido atencion di e mandatario pa por a yega na un solucion.
Den un caso reciente den Corte na maart 2021, e falta di e autoridad adicional a bolbe resalta y presidente di sindicato SADA, Edward Maduro, a señala esaki na Minister di Husticia mr. Andin Bikker. E ultimo aki a tuma contacto cu Minister di Finansas, mr. Xiomara Maduro, tambe cu hefe di Duana mr. Roderick Croes y a propone un posibel solucion. A evalua pa apunta duaneronan como ‘buitengewoon agent van politie’, mescos cu ta e caso por ehempel pa cu miembronan di Kustwacht y di NCTVI.
A haci un propocicion y e siman aki y Conseho di Ministro a bay di acuerdo pa por cuminsa encamina e trayectorio aki. Esaki sperando un cambio di ley den e ley nobo di Aduana (‘ALDA’) of pa medio di e ‘Invoeringsverordening’ di e Codigo di Procedimento Penal nobo.
