Tempo cu e caso aki a tuma luga 13 aña pasa, el a conmove nos tur. Pero, manera tur hende a custuma, henter pueblo ta lamenta y comenta pa dos siman largo y despues tur cos ta bay den e famoso “lachi di olvido”. Gobernantenan a lubida riba famia Lampe y riba escencia di e caso, esta cu nos tin un problema serio di salud mental na Aruba. Ta specula cu nos tin como mil pashent cu ta sufri di schizofrenia y cu na cualkier momento por “triger” un comportacion agresivo, cu consecuencia manera esun cu a caba cu casi henter famia Lampe.
E caso
Tabata un diabierna, dia 4 di april 208, cu e homber Eugene Lampe, cu e tempo ey tabatin apenas 29 aña di edad, a comete triple asesinato na su cas na Santa Cruz. El a mata su tata Juan di 60 aña, su mama Ina di 57 aña y su ruman homber Edvard di 30 aña. Tabata un asesinato cu a conmove henter comunidad. E acusado, ora cu a trata su caso na januari 2009 a conta hues cu el a mata su famia pasobra e tabatin miedo cu nan lo pon’e bou di curatela.
Pa mas informacion y detaye, lesa e edicion di TREMPAN di ayera diahuebs.
