Nos di partido Curpa kier rectifica locual cu nos a relata den articulo encuanto e fiesta di AZV cu a tuma lugar di december 2022 bisando cu a uza placa di pagadonan di prima di AZV pa organisa e fiesta. E informacion aki no ta cuadra cu berdad. Nos kier a expresa nos disculpa pa e publicacion aki. E realidad ta cu e trahadonan mes a contribui for di nan saco pa organisa e fiesta. Nos ta pidi mil despensa pa e informacion robes suministra.
Partido Curpa, e unico partido politico cu ta para y ta kere den e famia crea for di principio pa Dios, ta mira cu aña 2023 nos pueblo ta bay tin retonan grandi su dilanti. Nos ta kere cu esaki ta un aña cu nos mester decreta como aña di libertad y conkista locual cu nos a perde. Pa nos tin prosperidad nos mester lucha pa nos sali di sclavitud. Nos tin un gobierno cu pusha nos y hiba nos pa biba na rudia. E gobierno aki ta mesun cos cu e colebra python cu strangula su presa te ora cu e no por hala rosea mas y mat’e. Asina aki nos gobierno ta haci cu nos pueblo pa medio di e medidanan impone riba nos pueblo. No tin ningun hende lo scapa di dje paso locual cu lo pasa cu si nos no lanta, Aruba su situacion lo empeora y drenta den un pobresa extremo. Tin un exodo tumando luga y nos por mira cu yiunan di tera ta bandona Aruba y tambe tin empresanan cu lo cera paso nan no ta mira un miho futuro. Esaki lo desemboca den desempleo. Nos profesionalnan tambe ta bandona nos isla.
Nos tin un gobierno cu a perde tur esencia di realidad. For di 13 di November 2020 cu nos Minister President a bay Hulanda y a entrega Aruba su autonomia ora a cera e acuerdo di COHO. Mesun persona aki a bay New York pa firma e acuerdo dia 17 di december 2020 pa asina Aruba bira e prome isla den Caribe cu join Common Trust Network cu ta cay bao di World Economic Forum cu tin e lema “Lo bo no tin nada y lo bo ta feliz”. E medidanan cu gobierno ta sutando pueblo cu ne ta demostra cu e plan di WEF den full swing pa wordo implementa. WEF a sa di infiltra su hendenan den e gobiernonan rond mundo pa asina implementa nan plan diabolico aki. E siguiente plan di e agenda 2030 ta e “great reset” esta cu economia mundial lo crash completamente cu e meta pa introduci e moneda digital finalmente lo bo ta perde bo privacidad y libertad. Un strategia comunista uza rond mundo. Gobierno Hulandes ta forsa e implementacion di Agenda 2030 caminda kier kita e terenonan di agricultornan y criado di bestia. A introduci un stikstofbelasting paso e bacanan ta haci daño na e clima pa hende no come carni mas sino insecto. Un escasez grandi di cuminda ta na caminda den e lunanan nos dilanti.
E consecuencianan di e vacuna a sali na claridad. No por papia di vacuna sino di experimento genetico di mRNA. E compania Pfizer awor ta core pa responsabilidad despues cu informacionnan a leak di numeroso casonan di morto y efectonan secundario causa pa e vacuna contra COVID-19. Florida a cuminsa cu un investigacion pa despues lanta un caso contra di Pfizer. Na Hulanda ta papia di oversterfte y otro paisnan Europeo. E mortuarionan ta pasa trabao pa balsama e mortonan paso e adernan di e defuntonan ta tapa. Twitter den e proximo dianan lo bay publica e archiefnan di Faucci riba e tema di vacuna cu no ta aproba pa uzo humano. WHO a forma parti di e negoshi lucrativo cu salud di hende. Keda pendiente paso e berdad lo sali na claridad.
Pueblo di Aruba solamente den man di Dios nos lo scapa di locual cu ta na caminda. Nos ta den un guera y nos lucha mester ta pa saca nos isla for di gara di e gobierno comunista aki. Partido Curpa su lucha ta pa e bienestar di e famia y e igualdad bao punto 5 di agenda 2030 ta pa caba cu e famia. Aruba lo prospera solamente cu famianan cu un fundeshi solido den Cristo. Nos libertad ta importante.
