Despues di Pasco patras di Diamonds International a pasa un incidente hopi serio. E incidente aki a sacudi nos isla y a causa un daño grandi na nos turismo. Un turista Canades, cu tabata riba crucero cu su casa y tres yiu, a baha na Aruba y a pasa momento agradabel. Pero na final di trip nan tabata dirigiendo bek p’e barco crucero ora cu tres persona a atac’e.
Lito Lacle, vocero di polis, a indica cu e pareha turista hunto cu nan tres yiunan muhe tabata riba Aruba dia 26 di december y a bay entrega bek e auto di huur pa despues subi barco crucero. E victima tabata na telefon y di eynan e personanan den e auto a maltrat’e, consecuentemente el a kibra ambos cash’i wowo.
Pa su mañan el a dicidi di bay Merca despues pa Canada p’e haya sigui cu su tratamento. E team di recherche di Oranjestad mesora a cuminsa cu e investigacion conhunto cu diferente team. A pasa na diferente comerciante den e area pa asina por a haya suficiente imagen di video y asina ey Ministerio Publico duna autorisacion pa por a haci e detencionnan aki.
Lacle a confirma detencion dje prome dos personanan y a confisca un auto na Pos Chikito. Aki a detene Kimberly Wilson Arguello cu ta naci na Colombia di 22 aña, Incluso a bay cu mama di Kimberly pa motibo cu el a sconde su yiu. No a stop cu e investigacion y henter fin di siman polis tabata trahando riba e caso aki. Dialuna na Jan Flemming a detene tanto Timothy Boekhoudt di 24 aña como Carl Angelo Boekhoudt di 21 aña, ambos naci na Aruba. Aunke a detene dos persona no ta descarta cu tin mas detencion ta cay, tabata palabranan di Lacle.
Pa mas lesa TREMPAN.COM.
