Nos ta bibando den e tempo bruha. Tur locual ta bon ta wordo yama malo y malo ta wordo yama bon. E wolf mester disfrasa na carne, paso tur porta ta cera p’e. Satanas ta bin bisti manera angel di luz y tin poder pa haci milager pa asina e gaña hopi hende. E wolf a gaña pueblo cu promesa falso durante campaña cu a pasa.
Ningun partido comunista ta bin bisa bo cu nan ta comunista paso nan lo no logra nan metanan. Na Venezuela nan a gaña e pueblo Venezolano cu nan ta un partido socialista cu lo nan traha na bienestar di e pueblo. E ideologia social-democrata ta e carnada.
Nos por a mira esaki na Cuba cu ta e prome pais den Caribe cu a gaña e pueblo y e pueblo Cubano a perde su libertad. Merca den mesun situacion. E partidonan ta destabilisa un pais pa medio di destruccion pa yega na poder. Mira kico a pasa na Chile cu tabata tin e miho economia den Sur America y awe su economia ta na tera.
Hof a dicta un sentencia caminda ta forsa gobierno pa regla e matrimonio di mesun sexo sino gobierno lo tin cu bay cassatie. Dia 8 di september 2016 Parlamento di Aruba e tempo ey a vota na fabor pa e geregistreerd partnerschap. Esaki tabata tempo di e gobierno di AVP. E tempo ey tanto AVP y MEP a brasa otro ora pa bay contra locual ta ley di Dios. Dia prome di maart 2021 e partidonan AVP y MEP a bolbe brasa den corupcion contra ley di Dios y acorda codigo civil pa haci e ley aki legal. No a tarda mucho cu dia 30 di maart 2021 gobierno a cay. E ta cay bao di e parti di igualdad tambe ta hinca den metanan di desaroyo sostenibel.
Nos di partido Curpa a spierta pueblo riba e punto aki y ainda falta. Nacionnan Uni, e wolf, ta trahando duro pa e metanan di SDG wordo implementa mas pronto posibel. E meta ta caba cu e famia. E world economic forum tambe ta forma parti di e plan diabolico aki. Nan a logra infiltra den gobierno hulandes, Siri Lanka, Canada, Francia, Belgica, Argentina, Gran Britania, Australia, Austria, China, Merca etc. No solamente a infiltra den gobierno pero tambe den e sistema hudicial pa tin sentencia na nan fabor.
E medianan mundial cumpra ta tapa tur e noticianan aki. E metanan ta pa baha e poblacion mundial, haci tur hende pober y pa tin control riba henter mundo. P’esey nan ta financia clinica di abortus, defund the police, pone e homosexualnan contra hetero sexualnan, esunnan vacuna contra esunnan no vacuna, caba cu nos criaturanan door di desvia nan y caba cu e famia pa no tin multiplicacion. Kibra economia mundial ta trece pobresa pa haci e pueblonan esclavo di debe. Desvia atencion di pueblo pa bringa otro cu e unico meta baha e poblacion mundial y asina logra nan meta. E great reset ta na caminda.
Pa partidonan Accion21 y Raiz esaki ta un logro y awor ta solamente mester ahusta e leynan. Nos a tende nada di parlamentarionan cu ta bisa di ta Cristian pero ta forma parti di partidonan politico cu ta apoya leynan di satanas. Na Venezuela hopi pastoor den pasado y te dia di awe ta apoya e partido socialista den su maldad. Manera cu maldad a aumenta nos por spera cu e mundo aki lo wordo sacudi cu un temblor riba 8 den scala di richter. Esaki ta e tempo cu e toren di Babel lo bin abao. Esaki ta tempo tambe cu Dios lo move e prome ministro- y presidentenan. Laga nos pone nos bista riba Francia, Canada, Australia y Ucrania. Mira kico ta pasa ora kier baha gasto riba siguridad y corta riba overtime. Den pasado a stop opleiding di polis y awe nos tin escasez di polis pero no ta basta paso ainda aña 2022 y 2023 no lo tin opleiding pa polis. Aki cuater aña tin por lo menos binti lo baha cu pensioen y otronan cu lo bandona e cuerpo policial pa e maltrato di parti di gobierno. Dios lo saca tur cos scondi na claridad. E husticia di Dios lo baha riba esunnan cu a bay contra e leynan di Dios.
