Recientemente docentenan di e materia Lichamelijke Opvoeding di EPB San Nicolas a organisa como dia di introduccion, un speurtocht pa e alumnonan di klas 1 y 2 di dicho scol.
E speurtocht a hiba un recorido di 4.2 km den e area di San Nicolas y becindario. Aki e alumnonan mester a busca diferente obheto, reconoce potretnan, ehecuta diferente tareanan riba e ruta y contesta preguntanan relaciona cu Aruba su cultura, musica y deporte.
Mester bisa cu e alumnonan hunto cu nan mentor a gosa di e dia unda na yegada a haya un dushi treat for di scol. Despues di a conta e puntuacion final di e Speurtocht e klasnan S34 di docente Ras(klas 1) y C2A1 di docente Richardson(klas 2) a sali triunfador di e dos dianan di Speurtocht.
EPB – San Nicolas kier a yama un danki na Sr. Tai-Foo Lee di SUBWAY ARUBA cu a patrosina dos party-platter como premio na e dos klasnan ganador.
