Djaluna 16 di òktober 2017 ta último dia ku por entregá petishon pa un kondekorashon di Kas Real di Reino Hulandes pa Aña di Rei riba 27 di aprel 2018.
Un Kondekorashon di Reino ta un forma di duna honor na un pèrsona ku a duna un aporte eksepshonal na komunidat.
Si e pèrsona a sea duna su tempu na trabou boluntario pa un período largu ku hóben, adulto òf nos grandinan, a kontribuí na kultura, deporte, enseñansa òf siensia riba un nivel haltu na Kòrsou , e persona aki por bini na remarke pa un Kondekorashon di Reino.
Komishon di Kondekorashon ta evaluá i kontrolá tur informashon ku nan risibí serka esnan ku nominá un persona, despues di a evaluá i kontrolá tur petishon e Komishon ta entregá e lista di nominadonan kompañá pa su rekomendashon na Gobièrnu di Kòrsou pa trata esaki den Konseho di Minister, Ministernan ta duna un rekomendashon i pasa esaki pa Sra. Gobernador kende tambe ta duna su rekomendashon. Finalmente ta manda e pakete Hulanda pa evaluáshon i aprobáshon final.
Pa un pèrsona bini na remarke mester entregá un formulario i algun dokumentu importante. E formulario aki ta guia e petishonario na diferente pregunta.
Tambe e petishon mester ta kompañá pa dos persona ku ta partisipá den un karta ku nan ta sostené e petishon aki i dikon.
E formulario pa hasi petishon ta aksesibel riba website di Gobièrnu:
www.gobiernu.cw òf na Lokèt di Pèrmit (Vergunningenloket) den Eurobuilding na Saliña # 127.
Na e mésun ofisina aki por entregá e petishon. Pa mas informashon por akudí na e website di Gobièrnu òf por yama e siguiente numbernan: 465-4390/ 767-6425/767-4898 / 737-7267.
