Komo muestra di su apresio pa e trabou diario di ámtenar, Prome Minister Eugene Rhuggenaath a manda felisitá tur empleado públiko den un mensahe di video. Esaki pa motibu ku awe, dia 27 di yüli ta Dia di Empleado Públiko.
Komo selebrashon di nan dia, un grupo di ámtenar ta kana un speurtocht dor di kayanan di Punda, den e oranan lat di atardi. Ta trata di un búskeda pa hechonan históriko ku tin di haber komo pasado di gobièrnu i e trabou di empleadonan públiko.
Ku e buskeda aki, e ámtenarnan ta mustra nan interes den pasado, pa asina bira mas òrguyoso di nan trabou di kada dia i na mesun momentu pasa un ratu ta kana ku koleganan di diferente ministerio, pa yega na mas konosementu.
Trabou den e diferente ministerionan ta sigui nòrmal, pa motibu ku e speurtocht ta tuma lugá na final di dia i no ta tur empleado públiko ta partisipá. E speurtocht ta trahá dor di Arkívo Nashonal.
