Durante fin di siman e empleadonan dinamico y servicial di Dufry Aruba a participa activamente durante e programa “Aruba Doet”.
A opta pa e aña aki adopta Luna Foundation y aporta na un bon causa. Den esey e empleadonan a traha decenas di casnan di cacho, cla pa e fundacion por uza den su esfuerso diario pa salba cachonan di caya y ofrece nan un bida mas digno.
Pa esaki a uni empleadonan di e compania trahando den Caya Betico Croes, Royal Plaza of den nan tiendanan den Aeropuerto pa hunto pone nan mannan na obra. Esaki a sosode durante oranan largo, cu sosten di Felipe Construction, cu a pone e hermentnan necesario disponibel pa uza durante e fin di siman di trahamento di cas di cacho. Dufry Aruba ta existi pa por lo menos 20 aña caba y ta conta cu 10 tienda den Aeropuerto Internacional Reina Beatrix, 1 tienda den caya Betico Croes, 1 tienda den Royal Plaza y 1 tienda den e stacion di bus na Oranjestad. Hunto nan ta conta cu 90 empleado servicial, cu bon experencia y conocemento di e productonan varia cu nan ta bende, dependiendo di cada tienda.
