Pa motibonan di siguridad a dicidi di pospone e eleccion di Prins y Pancho cu mester a tuma luga awe nochi 7’or na Carnival Entertainment Center na San Nicolas.
Manera ta conoci, awe den oranan di merdia un biento fuerte a suta Aruba, cuminsando na San Nicolas.
Esaki a causa cierto daño na e stage bunita cu tabatin prepara pa e evento. Pero tambe e yobida cu tin ta un problema.
KPA y demas autoridadnan despues di a tuma nota di e situacion, a dicidi cu miho decision pa tuma, pa siguridad di e participantenan ta pa cancela e show aki te cu diadomingo.