Diahuebs mainta Simon van Eenenaam a presenta dilanti hues pa scucha sentencia den su caso. A declar’e liber di un di e acusacionnan pero no di e otronan. A conden’e na 3 luna di prizon condicional (pues e no mester bay cera) y cu 2 aña di prueba. Banda di esaki, e lo mester traha 160 ora di trabou pa comunidad of sino bay 80 dia cera.
Ta acusa Simon van Eenenaam di a maluza su funcion di polis riba dia 25 di april 2021, door di a detene un persona, hinc’e den patruya y cer’e den cel na ward’i polis. Tambe ta acus’e di intencionalmente y haciendo maluzo di su funcion, di a detene e persona en cuestion inhustamente riba e fecha menciona y a laga cer’e na ward’i polis. Na mesun momento el a informa Guarda Nos Costa tocante status di e persona cu e meta di logra saca bentaha pa su mes. Comosifuera poco, tambe a acusa e polis di intencionalmente traha un proces-verbaal falso di detencion den e periodo entre 25 di april 2021 te 26 di april 2021. E ultimo aki no ta proba, pasobra hues a haya cu e acusado tabata bou di e impresion cu e sitio unda a detene tabata un area publico.
E tin dos siman di tempo pa apela. Pa mas detayes, lesa e edicion di TREMPAN di mañan.
