Den fin di siman a tuma luga e di tres prefinal di Caiso Soca Monarch. Tanto participante como publico presente a disfruta di e anochi.
Edwina Werleman, presidente di Stichting Musica, a indica cu e anochi a desaroya y cuminsa bon, di cual a termina sumamente grandi. Por a mira un biaha mas e bandanan, artista, musico a sa di trece produccion hopi potente riba mercado den Centro di Bario Brazil.
Dialuna, 28 di november, Stichting Musica ta bay entrega tur produccion hunto riba un solo biaha. Produccion di tur tres anochi lo ta entrega na radio, television, media social, participante y riba plataforma di Facebook di Sichting Musica. Pa loke ta radio, e airplay pa tur participante lo ta husto, el a indica.
Esaki lo bay core desde dialuna te dia 11 di januari 2023, cual fecha cu Stichting Musica lo anuncia e finalistanan p’e final di Aruba Caiso & Soca Mornach.
