Riba diabierna 25 di november 2022 a inicia e prome edicion di Paranda di Balashi pa aña 2022. Paranda di Balashi ta bek despues di dos aña. E aña aki ta celebra e di binti aniversario di Paranda di Balashi. Manera semper, e actividadnan di Paranda di Balashi ta compaña cu ambiente musical. Riba nan prome edicion riba Linear Park, a conta cu presentacion di Gaita di Mama Rosa, Grupo di Betico, DLS y Tsunami. E actividad a cuminsa for di 7:00 pm y a termina pa 1:00 am. Por mira bek riba un anochi yena cu ambiente.
E evento tabata completamente gratis. E cushina y bar tabata bon surti y na un bon prijs. Por a conta cu bucket deals pa solamente 25 florin riba e cerbesnan manera Chill y Balashi. Tabata nan prome edicion, pero lo conta cu por lo menos cinco edicion mas den diferente bario. “Pueblo tin un apetit pa tipo di evento asina”, asina Rowald Werleman, gerente di mercadeo a duna di conoce.
