AZV a cuminsa aña 2022 cu expectativa medio y a premira crecemento economico modera. Y finalmente lo a resulta cu e fondo di AZV mester a ricibi un contribucion di gobierno, manera e ta conoci p’e ultimo binti añanan, di 3.5 miyon di florin pa nan cubri tur gasto di e fondo.
ing. Edwin Jacobs, director di AZV, a indica cu e realidad ta cu e despues di e prome kwartaal un recuperacion extremadamente rapido di e economia. Esaki a traduci su mes den mas entrada, principalmente di BAZV. Pero e prima si no a crece manera AZV a premira.
Como cu BAZV a crece rapidamente, esey a duna AZV e espacio pa duna bek na e sector di cuido den cierto inversion. Tambe a atende cu cierto problema cu a nace na raiz di e pandemia. Finalmente den luna di november y december 2022, un biaha mas BAZV a crece cu nan no a proyecto, no a spera. Na final di dia, a resulta un resultado positivo p’e fondo. E resultado positivo aki ta dedica exclusivamente na financia e gastonan di e reformanan cu AZV mester bay implementa den e proximo añanan.
