Bon carga y paketa, e destacamento di ayudo den emergencia di Defensa den Region Caribe Hulandes a sali rumbo pa e Islanan Ariba. E escuadron di Marinier desde Aruba, Militar di Region Caribe, e 43 Compania in de West y e barco di apoyo Zr. Ms. Pelikaan desde Corsou.
E Militarnan lo bay ehecuta e ehercicio anual di yudansa den emergencia y prome auxilio durante horcan (HUREX). Special ta cu e aña aki tambe Minister di Defensa di Hulanda, Kajsa Ollongren, lo haci un bishita na e ehercicio na Sint Maarten.
For diaranson 3 di Mei, mas o menos 500 Militar a prepara nan mes den Region Caribe, pa ayudo di prome auxilio despues cu un horcan pasa. E estrago cu horcan Irma a ocasiona na 2017, ta graba cerca hopi den nan memoria. Ta importante pa brinda bon yudansa mas pronto cu ta posibel.
Ta p’esey Defensa ta train un biaha pa aña, anticipando e temporada di horcan, tocante kico nan mester y por haci e momento ey. E ehercicio ta sosode rond di e islanan, Sint Maarten, Saba y Sint Eustatius.
Riba programa tin entre otro e structuranan di e Comision di Crisis, mantencion di orden y siguridad publico. Pero tambe hacimento di e zonanan afecta accesibel, evacuacion di e habitantenan y entrega directo di yudansa di emergencia y prome auxilio. E ehercicio ta dura te cu/ incluso dialuna 8 di Mei.
Minister di Defensa
E aña aki Minister di Defensa di Hulanda Kajsa Ollongren, tambe ta uni su mes na e ehercicio di yudansa di emergencia durante horcan. Durante su bishita na Sint Maarten entre otro pa medio di demostracionnan lo e mira di ki forma Defensa ta colabora durante un desaster natural cu autoridadnan local.
