Sindicato SADA y su presidente Edward Maduro a tene un reunion cu su miembronan. Den un forma masal, tur esnan cu tabata riba dienst a presenta, pa asina scucha y duna nan voz tambe riba diferente desaroyo cu tin di haber, entre otro cu un rapport cu a presenta den direccion di Edward Maduro, sea como douanero of presidente di SADA. Esey ta e discusion awor aki.
Maduro, como presidente di sindicato, a splica cu e opkomst tabata hopi positivo. Directiva ta hopi satisfecho cu esaki. No ta solamente cu ta un rapport contra su persona. Mas bien e ta e punto principal y cardinal ta, cu ta trata aki di silencia sindicato.
Den un estado di derecho cu nos ta biba aden, un pais democratico cu ta respeta derecho di otro, no por permiti tipo di atrocidadnan asina tuma luga. Por bisa cu e mensahe tabata loud and clear. Por a mira cu e presencia di e director pafo. E tabata bon cla cu e miembronan, trahadonan, ta fada y nan no ta bay acepta tipo di intimidacionnan aki mas.
Si ta un otro persona ta presidente, ken cu ta por ta ocupa e posicion aki den sindicato cu ta pasa den un situacion asina, trahadonan di douane, miembronan di sindicato, tin cu sali na vanguardia di e sindicato. Ken cu ta den directiva e momento ey, ta expresando, papiando den nomber di e miembronan. Den nomber di e trahadonan di douane y esey ta bin ta sosode desde cu Maduro ta na cabes. Nan ta papia den nomber di colega, di miembronan.
No ta dos aña pasa el a drenta den servicio. E tin suficiente aña di experiencia, cu e por deal cu dienstgeheim. Pero ora ta trata di material, of no tin material, manera un scanmachine, cual ta algo pa atende cun’e. Mescos cu tabata tin issues den pasado manera e team di K9 cu e cachonan no tabata haya e tratamento manera debe ser, a trece esakinan na minister.
Si dado caso no sosode nada, tin cu bay mas leu pa e oido yega na unda e tin cu yega. Trabao di un douanero ta exigi pa nan tin nan materialnan in place pa nan por haci nan trabao manera debe ser. Mañan, dado caso cu trabaonan no wordo haci manera mester ta, prome cos cu ta bay haci ta tilda e trahado, cu e no ta funciona manera debe ser.
Aki a bin un paar di mocion dilanti, pero lo bay prome na nan hurista. A trece varios mocion dilanti door di e trahadornan, manera e rapport mes cu tin cu hala aden. Mayoria di nan a vota riba nan. Awor aki lo bay trece nan pa e hurista pasa door di dje y wak con ta trece dilanti den prensa tambe.
Esnan cu tabata tey di tempran por a mira kico tabata e mocionnan cu a wordo treci p’adilanti. Maduro a splica tambe, tin algun mocion basta pisa. A scucha hopi comentario di pueblo tambe. Sindicato no tey pasobra kier come Arubiano. Aki ta nan mes a pone e director na manera di bisa. Nan mes tabata tin un voto di sosten p’e como douanero.
Si bo trata bo trahadonan cu respet, riba un nivel profesional y bo no ta permiti emocionnan dominabo y tuma decisionnan a base di emocion, nunca lo a yega asina leu. Pero lamentabel ta cu ora cu ta den un cuerpo asina importante y no ta sali afo cu e director y e minister mes no ta haci su maximo empeño pa soluciona esakinan, ta pone cu mas y mas e cuerpo lo bay bira demotiva y mal contento.
No ta cuestion di bula director, no ta cuestion di bypass e director. E cuestion ta cu ora bin cu puntonan padilanti cerca director y no ta haya oido, na ken otro tin cu recuri, sino ta cerca e minister.
Maduro a comenta bon para den su sapato, den pasado ora cu no tabata sali afo cu un director, manera semper a haci, ta acerca director cu un ke otro issue, logicamente ta acerca e minister di finansas e tempo ey. Nunca a bypass e director, nunca a yega di bay na e minister di biaha. Semper a acerca e director. Problema cu tin awor aki ta, cu e minister a gewoon laba man, bisando cu e no ta bay mete de Douane. E ta laga e director haci loke e tin cu haci y carga e consecuencianan.
Mas y mas durante aña por a mira cu cos no ta bayendo bon, e mal contento ta mas y mas bao di e trahado, ken otro tin cu recuri na dje cu ta e minister di finansas.
Lamentablemente el a bisa cu no lo atende cu e sindicato mas, pasobra den su concepto, a falt’e respet. Ta di lamenta esey, segun Maduro, pasobra semper nan a acerk’e cu respet. Si ta pensa, cu yamando un reunion den ora di trabao of bayendo den un accion ta un falta di respet, e ora ey no ta bon bezig.
Ta bon mes tin oido di e prome minister. A scucha e sindicato den varios ocasion. A trece e preocupacionnan dilanti y a señala na prome minister, cu e relacion cu e minister di finansas ta un preocupacion grandisimo.
E minister di finansas tin cu soluciona ora cu no yega na un solucion cu e director. No por bisa cu ta laba man, sinta un banda y warda te ora cu e cos explota y bira asina serio, te cu e director ta bay over na raporta e presidente y pidi medidanan displinario contra di dje, segun Edward Maduro.
