Garage Centraal Aruba tin hopi satisfaccion di anuncia na Aruba cu e Volkswagen Taos ya ta riba nos isla. E agencia di auto ubica na Sabana Blanco a caba di hay’e. Rodney Kock, gerente di mercado pa Garage Centraal Aruba a splica cu pa loke ta e rango di Volkswagen, e modelo aki ta cay entre e T-Cross y e Tiguan. “E ta basicamente un mid size SUV, pero manera custumber, cu e nivel tecnico y di features, precision di engineering cu Volkswagen ta ofrece,” Kock a comenta.
E motor, sistema di entretenimento y e nivel di comfort en general cu Volkswagen ta ofrece ta extremadamente halto. No ta pornada cu Volkswagen ta un di e marcanan mas poderoso riba nivel mundial. Nan ta ofrece bo tur e avance di features envolvi den un estilo unico di auto. E ta sumamente moderno y dinamico, pero na mesun momento, Volkswagen ta logra un estilo clasico cu ta haci cu e auto cu e no ta bay fo’i moda mes lihe cu otro marca.
E gerente di mercado a indica cu unda cu bo wak den e auto aki, den detaye di luz y mas, bo ta wak e nomber di Volkswagen. E ta marca e nivel sofisticacion, cuido pa detaye cu e ingenieria Aleman sa ofrece. “Y esey ta djis e style,” Kock a expresa mencionando cu e motor ta di 4 cilinder y ta hopi eficiente.
Su transmision ta automatic y smooth den e shifting. E interior di e auto ta extremadamente comodo, mescos cu e sientanan tambe. E controlnan general di e auto, for di stuurwiel y controlnan en general ta intuitivo. Esaki ta inclui e infotainment, e media system cu yama VW Play cual ta hopi intuitivo y facil pa maneha.
E auto ta incorpora Apple CarPlay y Android Auto den su sistema. “Con cu bo kier controla e auto y con cu bo kier experiencia e auto, ta sumamente simpel,” segun Kock. E modelonan cu ta obtenibel na Garage Centraal Aruba ta naturalmente inclui tur sistema di siguridad manera airbags y mas.
E invitacion ta pa pasa na Garage Centraal pa wak e autonan aki cu ya ta den showroom. E ekipo di benta ta cla pa yuda bo cu tur informacion y tramite cu banco. Kock ta mustra cu Taos ta un auto cu bo tin cu wak e y experiencia. E tin un diseño pa subi caminda cu tur comodidad y disfruta di bida.
