Carnaval di Aruba a conoce su monarcanan nobo despues di e festival di Caiso and Soca Monarch 2023 organisa pa Stichting MUSICA. E festival a cuminsa diasabra anochi den Carnival Villlage y a termina diadomingo mainta. Tabatin un total di 27 cantante pa Soca y solamente 7 a competi pa e corona di Caiso. E resultado a cay den bon tera cerca mayoria di e publico.
Claudius Philips, considera e “Rey di Reynan” di tanto calypso como roadmarch tabata entre e prome nan pa felicita e ganadonan. El a skirbi: “Congrats to Caiso King Galloway jr. & Soca King and rookie of the year Casper. You brought it the judges loved it and chose you both. Much respect!”
Pero despues di e felicitacion, e artista cu mas corona di Rey di Calypso y Roadmarch den historia a expresa su opinion riba un tendencia cu ta hopi discuti den comunidad. Hasta por bisa cu e polarisacion a percura pa division den esunnan cu ta na fabor di “soca” banda di esunnan cu ta prefera e Soca cu un ritmo mas lento.
Claudius Philips ta di opinion cu mester separa e estilonan di soca. “It’s like taking Negrito de Batey – Billirubina and Culikitakati putting them in one festival and trying to pick the best. They are all great in their respective styles but cannot compete in one festival! Sometimes we must be careful what we wish for. It can come back and bite us. Please bring back the fun of the event laughter, excitement, anticipation, and once and for all…the papiamento mixed with the english! That’s is our culture! Don’t forget legends like Boxoe (Basha awa bay- Harragan ta den bo cas – Ge ge, etc. He introduced it it’s part of us!!!…..
Claudius Philips tin algun aña caba di no ta participa mas den festival di Calypso y Roadmarch cu SMAC a cambia pa Caiso & Soca Monarch. Pero, na tur e tin 21 corona di Rey di Calypso y tin 15 corona di Rey di Roadmarch. El a bira rey y gana e festival na aña 1983 pa prome biaha, cu su calypso titula “The surprise”. E ultimo biaha cu el a gana un titulo ta na 2014 cu e cancion “Carnival Cheezy”.
