E ta inevitabel. Cualkier aña cu ta consisti di 365 dia y cu cuminsa rib’un diadomingo, tin un “Friday the 13th’. Aña 2023 a cuminsa rib’un diadomingo y e tin 365 dia. Pues, den e caso aki, 13 di januari 2023 t’e prome “Friday the 13th” p’e aña aki mientras cu e di dos (y ultimo pa e aña aki) ta dia 13 di october 2023.
Den cada aña tin un “Friday the 13th”, semper lo tin por lo menos un. Pues, cuanto diabierna 13 lo por tin den un aña? E contesta corecto ta tres! Den aña 2020 tabatin dos diabierna cu a cay riba e fecha 13 den luna di maart y november. Nos lo bolbe mira dos diabierna 13 na aña 2023, cu lo sosode den luna di januari y october.
Ultimo biaha cu a experencia tres diabierna cu a cay riba 13 y den un solo aña, tabata na aña 2015, specificamente na luna di februari, maart y november 2015. Proximo bes cu esaki lo sosode ta na aña 2026.
Miedo di e dia aki
Esaki ta un miedo total di e fecha “Friday 13th”, tin hopi coincidencia cu ta involucra kalender y “Friday the 13th”. E aña aki, e di dos “Friday the 13th” lo ta riba 13 di october, e lo ta exactamente 39 (3×13) siman despues di e prome “Friday the 13th” di 2023 cual ta cay riba 13 di januari.
Tur aña ta diferente
Tin mas caso cu ta involucra e number 13 y e “friday the 13th”. E dianan di siman ta reorganisa nan mes cu e kalender den ciclo predictivo. E aña 2022 ta dos aña despues di e ‘schrikkeljaar’. Den e limite di siglo 21 (2001 to 2100), cualkier aña cu ta sosode dos aña despues di un ‘schrikkeljaar’ lo wak cu e siman ta coordina cu fecha di kalender den ciclo di 11,17 y 28 aña.
E pelicula
Hopi di nos ta referi na e famoso ‘Friday the 13th’, sea pa motibo di ta supersticioso of nos ta socialisa e dia aki cu e pelicula di teror den cual Jason Voorhees ta e protagonista principal. Pero kico tin enberdad tras di e combinacion di e dia aki?
Si nos observa bon, otro dos echo curioso ta por ehempel cu mayoria asesino den serie famoso, manera Jack The Ripper, John Wayne Gacy, Charles Manson y Theodore Bundy, tur nan nombernan tin exactamente 13 letter.
Religion
Pa e comunidad Cristian Catolico, e supersticion di e dia aki ta bay atras te na e ultimo cena di Hesucristo, caminda cu tabatin 13 hende presente, esta Hesus y su 12 apostelnan, e dia aki tabata un dia prome cu e crusificacion di Hesus y ta di e manera aki nan a asocia e number 13 cu Hudas Iscariot cu manera nos sa ta e apostel cu a traiciona Hesus y e diabierna ta simbolisa e dia cu a crusifica Hesus.
Inglatera a purba…
Den siglo 18, marina Britanico a purba elimina dicho creencia relata na e dia aki, nan a manda batisa un barco bou di e nomber ‘HMS Friday’, cu un capitan cu tabata yama Jim Friday. Tambe a recluta e tripulacion riba un diabierna y a baha e barco den awa riba un ‘Friday the 13th’ y nunca mas nan no a mira ni tende di e barco aki ni su tripulacion.
E ultimo añanan
Na aña 2017 tabatin dos “Friday the 13th”, na januari y na october. Pa loke ta trata aña 2018 tabatin dos ‘Friday the 13th, esta 13 di april y 13 di juli. Te aña 2020 tabatin dos “Friday the 13th” pa aña, mientras cu na aña 2021 y 2022 el a sosode un solo bez pa aña, na augustus y mei respectivamente.
Awe ta diabierna…
Pa nos awendia, diabierna ta sinonimo di diberticion y happy hour pero e tempo nan ey diabierna tabata un dia di maldicion y mala suerte. Abo ta sinti bo cu suerte??
