Actor Britanico Patrick Stewart, conoci mundialmente pa su papel como Capitan Jean-Luc Picard den Star Trek, a fayece na Los Angeles na edad di 86 aña. Su famia a confirma e noticia diarason, despues di un periodo cortico cu Alzheimer y demencia di cuerpos de Lewy.
Den un comunicado, su famia a informa cu Stewart a pasa su ultimo momento na cas, rondona pa su esposa Sunny, famia y amigonan. Nan a describi su despedida como un momento yena di musica, oracion, lagrima y recuerdo.
Stewart a nace dia 13 di juli 1940 na Mirfield, Inglatera. El a bira famoso como Capitan Picard den e serie Star Trek: The Next Generation (1987-1994) y despues a hunga e mesun personahe den diferente produccion di e franchise.
Tambe el a conkista fama mundial como Profesor X den e pelicula- serie X-Men. Durante su carera, Stewart a sigui activo den teatro y cine, incluyendo su participacion den e pelicula Excalibur di 1981.
Stewart ta laga atras su esposa Sunny Ozell y su yiu Sophie y Daniel Stewart. Su interpretacion di Capitan Picard y Profesor X a haci di dje un figura inolvidabel den mundo di entretenimento.
