Si tur hende a pensa cu e candela tabata e reto di mas grandi, awo ta mustra cu no…ta e investigacion riba e causa di e candela, pa seguro por cubri e daño, a bira un berdadero dolor di cabes pa e doñonan. E edificio ta pertenece na famia Ponson-Mansur y nan ta sigura na ENNIA. E siman aki nan a laga print un banner grandi pa laga pueblo sa cu nan seguro a laga nan na caya.
Tur cos ta draai rond di cobertura di e candela grandi cu a tuma luga riba dia 30 di december 2020, pa mas of menos 8:00 pm na e e deposito di Lucky Store y Lucky Electronics situa den Italiestraat. Bomberonan a keda combati e candela pa por lo menos un dia largo, debi cu e deposito tabata yena di producto y material inflamabel, entre otro taira y aparatonan electronico.
Awo e investigacion ta pega, pasobra a core basha e luga abou su mañan mes, prome cu polis, bomberonan y expertonan di seguro por a haci nan trabou y yega na causa di e candela. Pues awor tin un recibo multimiyonario riba mesa pa ENNIA cubri, di acuerdo cu nan seguro, pero nan no kier paga tanten cu no por determina si e candela tabata pa casualidad, accidentalmente, como fayo di coriente of tabata intencional. Pa mas informacion y detaye completo di e asunto, lesa e edicion di TREMPAN di awe.
