Diaranson cu a pasa empleadonan di Digicel Aruba, hunto cu e otro 7500 coleganan cu ta forma parti di e famia di Digicel rond mundo, a celebra dia di cliente, o sea #customerday. Nos ta dedica tur dia na sirbi clientenan y brinda nan e miho servicio posibel.
Pa celebra esaki tur nos team members cu normalmente no ta atende cliente cara cara a subi caya of di un manera virtual a topa nos clientenan pa brinda asistencia y servicio y pa experencia con nan coleganan ta intercambia cu e clientenan. Un di e metanan di esaki tabata pa nos yega mas cerca di esunnan cu ta permiti nos sirbi nan necesidad di telecomunicacion dia den y dia afo.
Nos a probecha e dia aki tambe pa reconoce nos coleganan, nos front liners, na e diferente tiendanan. Nos a scoge e momento aki tambe pa riba customer day honra 2 colega cu a cuminsa traha cu nos como customer care agent y cu entretanto a crece den nan funcion y cu awe ta team leader di nan respectivo tienda.
Pa e tienda na Tanki Leendert e reconocimento aki a bay pa nos colega Zuljen Albertus-Solognier y pa e tienda na San Nicolas pa nos colega Liliana Yrausquin. Nos a celebra cu nan, cu riba e dia aki y tur otro dia, pa ta lidernan di Digicel dedica na guia nan respectivo ekipo pa brinda e miho servicio na nos clientenan.
Den nomber di tur e coleganan di Digicel Aruba, Boneiro y Corsou y tambe di nos clientenan, a toca mi e honor di presenta e reconocimiento aki na nan.
Na Zuljen y Liliana, un palabra di danki pa tur boso trabou y dedicacion. Boso ta un role model pa nos tur na Digicel #customerday
