E meta tras di e strategia “search and destroy” ta pa test mas, detecta mas caso posibel y isola nan. Mester menciona si aserca cu e testing ta solamente pa esnan cu tin “sintoma”. E intencion no ta ningun momento pa tur hende bay test.
Door di “contact tracing” tambe identifica esunnan cu tin of por tabatin contacto cu e virus y ta na risico mas trempan. Di e forma aki por controla e plamamento di e virus.
Sinembargo exponiendo hopi caso positivo den un tempo corto por mustra negativo compara cu otro paisnan cu no ta test asina hopi manera Aruba. Esaki ta e diferencia entre Aruba y otro paisnan den Caribe. Aruba na e momento aki ta na di 5 lugar di paisnan cu mas test ta wordo ehecuta pa capita na mundo.
Gobierno di Aruba y Crisis team ta sigui kere den e strategia aki, el a funcciona caba na inicio di e crisis na Aruba y ta convenci cu ta e miho forma pa atende e crisis actual.
Mientras otro paisnan nan capacidad di test ta limita, Aruba a percura pa tin un capacidad abundante di test. Loke Aruba ta atende cu ne awor den crisis, otronan lo deal cu esaki tardi of trempan tambe pasobra Covid-19 ta un realidad cu no lo disparce por lo pronto.
E cifranan actualisa di awe ta ilustra cu ayera a test 489 persona, 54 a resulta positivo, 7 pashent mas a recupera y cu awe Aruba tin un total di 898 caso activo.
