Diabierna merdia pa mas of menos 1:45, polis ta bay direccion na e notorio crusada di Alhambra Casino, pa un accidente cu a sosode entre un van y un taxi, ambos cu turista aden.
Aparentemente chauffeur di e van cu tabata riba caminda di preferencia, a haye cu e sorpresa, cu na momento cu el a yega e crusada di Alhambra, ora cu un chauffeur di Hyundai Santa Fe, un taxi, a subi e crusada sin paga tino si tabata tin auto biniendo. Esaki tabata tin como consecuencia cu nan a dal den otro.
E van, debi na e impacto, a bira rond 180 grado. Den ambos vehiculo, tabata tin turista herida. Ambulance a presenta y a transporta nan pa hospital, pa asina ricibi tratamento medico mas avansa. Daño causa na e autonan ta considerabel.
