A tuma luga un accidente riba caminda grandi di Santa Cruz caminda un persona a resulta herida y dos vehiculo cu daño material. Esaki a tuma luga den oranan di mainta (11:30 am) dilanti cede di partido MEP na Papilon.
Na sitio por a tuma nota di e dos vehiculonan envolvi, ta trata di un Nissan March ros y un Nissan Versa cora kima. Biniendo di direccion zuid e Nissan March a para pa duna otro vehiculo chens pa subi caminda grandi pero e auto su tras no a percata di e gesto. No a logra evita e impacto.
Lamentablemente e chauffeur di e vehiculo dilanti a resulta herida. A pidi presencia di ambulance na sitio pa un revision medico, pa observacion a dicidi di transport’e hospital. Trafico tabata un poco tranca pa un rato.
