CAft a duna un conseho pa Conseho di Minister di Reino para placa pa Aruba pa motibo cu gobierno no a cumpli pa loke ta cortamento den presupuesto den e parti di cuido medico. Den un publicacion riba medio social, Prome Minister mr. Evelyn Wever-Croes no a mustra mucho contento cu e hecho aki.
Den cuadro di e reaccion ya menciona, drs. Marisol Lopez-Tromp, lider di fraccion di MAS, a reacciona bisando cu gobierno tabata sa cu mester a economisa y corta.
Segun lider di fraccion di MAS, drs. Marisol Lopez-Tromp, por corda cu prome cu eleccion con prome minister den e caso aki y tambe minister di salud a tene un rueda di prensa y a bisa cu nan ta bay trece un cambio den e decision cu a tuma caba, cu ta toca e remedinan cu lo mester a kita for di e lista y despues a pone nan bek, mirando cu canando den pueblo nan no ta contento cu e decision aki.
Door cu tabata na bispo di un eleccion, na bispo cu pueblo lo bay pone su voto di confiansa un poco tempo prome, a cambia e decision aki na fabor na loke pueblo a pidi.
Pa cobertura mas amplio lesa edicion di TREMPAN mañan.
