E asunto di Royalties tin propietario di Radio emisoranan hopi preocupa y ta pa e motibo ey tambe nan a forma un bloke pa asina busca un otro agente pa por maneha esaki.
E suma di 3000 florin cu e fundacion Ducapro a introduci, cu segun nan tur caminda na mundo ta wordo aplica, ta mucho hopi. Segun un carta cu e radio emisoranan a ricibi, e sistema aki lo drenta na vigor entrante dia 1 di Juni 2018.
Den e carta aki ta indica cu si no bay di acuerdo cu e contribucion di 3000 florin, lo tuma cierto pasonan pa esaki. Lo tin un dwangsom envolvi pa haci uzo comercial di e musica di e artistanan afilia y si haci uzo di esaki lo cobra un daño y perhuicio. Te asina leu, no ta conoci ken ta of ken no ta riba e lista di artistanan cu tin cu kobra royalties.
