Duana a gara pasahero cu pistol y 50 bala cayente

Ayera mainta un pasahero a yega Aruba for di Colombia riba vuelo di Avianca, cu intencion di drenta cu un arma di candela. Un Duanero atento a nota e arma ora e maleta a pasa dor di e scanner. A hala e pasahero un banda y a puntr’e si e tin algo di declara, pero el a contesta cu no. Sinembargo durante control di maleta a topa un pistol Magnum di 9mm cu 50 bala cayente acerca. Mesora a detene e pasahero y a pas’e pa Polis cu awor lo sigui cu e investigacion.

Parce cu e homber ta trankil y no ta cooperando cu e investigacion. El a bisa Polisnan cu e no ta declara nada y como tal ta haci uzo di su derecho di keda keto. Ta sospecha cu el a bin cu meta pa likida un persona na Aruba, mirando e caliber di e arma semi automatico aki y e cantidad di bala acerca.

Comments

comments