Dia di Mama ta cerca y si bo no sa ainda unda pa hiba bo mama, Driftwood Restaurant ta e luga. Carolina Merryweather-Raven a conta nos cu dia di mama ta un di e dianan di mas special di full e aña den Driftwood. Nan ta habri specialmente for di 11’or di mainta te cu 11’or di anochi, pa sirbi tur nos mamanan cu ta bin celebra.
Driftwood ta custuma cu nan ta haya mama, cu wela, of tin biaha tres of hasta cuater generacion bin celebra y e aña aki no ta diferente.
E menu cu a prepara sigur ta bay ta na agrado di tur esnan cu ta bay bin Driftwood.
Driftwood Restaurant cu Special pa Dia di Mama
Posted by 24ora on Tuesday, May 7, 2019
E menu ta consisti di un appetizer, main-course, dessert, koffie of thee pa 32 dollar. E ta un menu completo. Entre otro tin catch of the day, cual ta e plato mas popular di Driftwood. Pa dia di Mama ta bay tin e pisca di mas fresco, cual lo anuncia riba e dia ey.
Tin un mixed seafood caserole, cual ta un di e platonan principal. E ta wordo sirbi cu su funchi, pan bati, sigur hopi dushi, segun Merryweather-Raven. Tin opcion tambe di grilled sirloin, jumbo shrimps. Tambe tin Chicken Alfredo Pasta. E appetizernan ta un Seafood Soup, Onion Soup, Fish Croquettes, Shrimp Cocktail, Fried Calamari of un Green Salad.
Ningun celebracion no ta completo sin un dessert. Tin entre otro e home-made Caramel Flan, Chocolate Cake, Icecream y sigur lo sirbi koffie cu thee na final.
Esaki ta un menu completo. Ta sigur cu esnan cu a yega di bin celebra Dia di mama, sa cu semper tin un regalito pa mama. Driftwood ta un restaurant ta hopi conoci pa tin e ambiente familiar.
Tin un menu special pa mucha cual ta 12 dollar, cu ta inclui un icecream y sea un refresco of un juice.
Si un grupo tin pensa di bin diadomingo, ta recomenda pa reserva, sigur awo pa dia di mama. Hopi biaha riba e dia ey nan ta yen y pa duna un miho servicio, ta bon pa yama pa reservacion na 5832515. Por bishita nan pagina di Facebook. Eynan por mira e menu y si tin cualkier pregunta por yama libremente of tambe contact via Facebook Messenger. Tambe nan tin un website cu ta driftwoodaruba.com. Eynan tambe por mira e menu y reserva pa diadomingo.
Ultimo palabra
Di parti di e famia grandi di Driftwood, lo ta trahando e dia aki a celebra cu tur mama. Si tin cualkier peticion special, por fabor yama. E menu ta uno completo sigur pa duna mama un bunita dia.
