Na Aruba 922 persona di nacionalidad Hulandes a registra pa asina deposita nan voto via carta pa eleccion di Parlamento Europeo. Tur stembil y otro suministronan a yega na principio di e siman aki na Aruba.
E recoleccion di e urna y otro suministronan a wordo realisa atrabes di VNO situa na LG Smith Boulevard 44. Esnan cu tin derecho di voto a ricibi recientemente un aviso di esaki. E recompilacion di documento di votacion mester wordo haci en persona hunto cu un prueba di identidad, unda cu ta indica e nacionalidad Hulandes.
Esaki por sosode tur dia di trabao entre 8’or di mainta y 5’or di atardi. Tur hende cu a registra, tin te cu dia 23 di Mei pa deposita nan voto. Esaki por sosode mesora na momento di busca e documentonan di votacion.
Loading...
Reload document 
Open in new tab 
