Director di Departamento di Recurso Humano (DRH), Omaira Lares a splica recientemente cu tin diferente momento y motibo pa cual DRH tin contacto cu otro departamento di gobierno. E por ta di forma individual of den grupo, solamente cu director of personal completo, pero tambe pa haci evaluacion, comparti informacion of atende algun situacion mas specifico.
Esey tabata e caso dos siman pasa ora cu a invita casi tur director pa atende riba e avance di implementacion di Landspakket. Durante e encuentro aki DRH a informa kico ta haciendo, kico ta momentonan cu ta yegando, etc. Otro motibo ta e prestatie management caminda DRH ta duna informacion y/of entrenamento si mester.
Si un departameto of servicio di gobierno ta den un proceso di reorganisacion, manera tabatin recientemente un caso di un departamento cu pa hopi aña a wordo lubida, DRH ta bolbe bay pa e personal wak cu nan t’ey disponibel. A cuminsa cu e reorganisacion y funcionarionan ta satisfecho. Di e manera aki, segun Lares, biaha e personal ta haya atencion, ta wak kico ta pendiente di nan of si tin hende cu por ta tin un problema y cu kier papia cu DRH, por haci esey.
Pa e relato completo, lesa edicion di TREMPAN
