Tin un situacion na Monserat, caminda cu awa sushi ta sali bin ariba, bay riba caminda, pasa dilanti di un compleho di apartamento y caba den un otro riool. Segun Beheer Infrastructuur na DOW, ing. Daryl Leu, tin e pomp na Monserat cu ta conecta cu e casnan di pueblo. E problema di mas grandi cu ta haya eyden cu tin hopi sushi, manera paña etc., ta tira eyden y paña no mag di ta den riolering.
Segun Leu, nan ta bezig ta pomp e awa. E pomp ta chupa e awa mand’e p’e otro p’asina e por yega n’e planta. Pero e pomp no ta diseña pa manda paña. Esey t’e problema di mas grandi cu ta haya eynan.
E problema aki ta andando pa basta tempo caba y a aumenta e capacidad tambe p’e mesun coleganan tira bista eyden y ta mantene regularmente, casi tres biaha pa siman. Hasta durante fin di siman ta controla ey pa mira si tur cos ta bay bon. Pero paña ta drenta na tur momento y no por keda ey 24/7 pa haci esey.
Loke ta bezig ta haci ta suplica e bario pa por fabor no tira nada cu no ta pertenece eynan. No ta permiti paña den riolering pasobra e pomp no por traha riba dje. Comunidad mester yuda tambe p’esaki.
Pa mas detaye lesa TREMPAN.
