Kathy Ruiz-Paskel, directora di Dimas, a splica cu e sistema di procesa permiso ta mantene e registro di terminonan di tratamento y ta uza nan pa monitor nan mes y pa wak si nan ta reach e targetnan cu nan a propone pa nan mes. E ta depende con ta tumando actualmente tur dossier cu ta completo. Esey ya caba ta un paso pa yuda. Pero no ta ainda cu interconecta cu tur departamento. Cierto informacionnan pa completa e dossier, ta depende di otronan pa por completa esaki pa tuma un decision final. E ta intencion si cu e sistema nobo aki lo por bay papia cu e otro servicionan den futuro y esaki lo haci cu paso pa paso ta yega si na e parti cu bo a inverti den dje.

Cambio di trahado

Parti di e cambio di trahado, por wordo trata pa minister di labor con e ta bay hiba esaki y con e lo hiba e cambionan. Pero por lo general DIMAS pa loke ta peticion di permiso, ta steun hopi riba locual cu e minister di labor su departamentonan conseha riba esaki. E trahamento hunto di departamento ta di DPL, Labor y DIMAS, ta algo cu a inverti den curso di añanan y no lo bira menos den e fase cu ta. E lo intensiva y cu e meta final cu eigenlijk bo ta trahando pa un Gobierno y si por, pa e cliente un onestop shop.

E cambio

Ta asina cu e parti di LTUV cu ta e ley cu ta maneha tur locual cu ta beleid di Admision, tin proposicionnan pendiente na Staten. Esaki lo tin prioridad di minister y gobierno actual pa formalisa esaki. Locual cu a anuncia awe ta mas bien cambionan den proceso y tambe maneho. A haci un traspaso di actividadnan cu actualmente ta na DIMAS pa IASA, cual ambos departamento ta resorta bao di e mesun minister.

Inversionnan haci

E prome parti ta rekeri cu en todo caso cu DIMAS a inverti den e curso di añanan hopi den personal. A haci esaki door di trayectonan cu nan mes a desaroya internamente, pero tambe cu ayudo di FDA, a haci diferente trayecto di inversion den recurso humano di DIMAS. E ta keda algo cu tin cu keda inverti den dje y percura pa den un forma uniforme pa duna informacion na e cliente. Ta uzando nan website pa ta tambe transparente cu locual ta e maneho vigente. E ta importante tambe na momento cu bin busca informacion pa suministra tur locual cu por ta relevante pa e caso. Si bo por laga cierto detayenan importante, por ta cu e un si a bisa y e otro no, cu bo ta haya dos diferente informacion. Esaki tin atencion DIMAS y esaki sigur ta un punto di atencion.

Ontheffing

Pa DIMAS no tin cambio den esaki. Semper tabata tin riba nan lista di rekisito cu na momento di un peticion, pa un permiso di trabao, e persona tin cu entrega tambe, como parti di documentacion cu e tin un carta di DPL unda cu ta bisa cu no tin obhecion pa e por subi mercado laboral. Esaki no a cambia. E persona cu kier subi mercado laboral y no tin x cantidad di aña na Aruba ainda, cu por lo tanto segun minister di labor, ta exonera, lo mester pasa e trayecto di DPL y eynan bo ta haya dos fase, unda cu DPL lo haci su analisis y wak prome si tin un persona local disponibel cu por subi y ocupa e cupo eynan. Na momento cu e parti di e fase ey caba y resulta cu no ta asina, no tin hende, lo por check tambe si e persona cu lo kier trece ta capacita pa haci e funcion cu el a bisa cu e ta bin pa haci. E tarea ey ta cay bao di DPL. Pa cu DIMAS, nada no a cambia.