Diahuebs riba e ultimo dia di 2020 prome cu 5:00PM a sosode un accidente riba e caminda di Paradera, esta na e t-kruising na altura di Great Rich. Den e accidente aki dos persona a resulta herida.
E accidente aki tabata entre un Hyundai color shinishi y un brommer preto numera MFA-91. E dos personanan riba e brommer a cay y a ricibi algun rasca na curpa. A pidi asistencia di ambulance pa bin controla e personanan aki.
Polis di trafico a presenta na e sitio pa haya sa kico tur a pasa. Roadservice TRS 165 tambe a presenta na e papia cu ambos partido envolvi den e accidente pa haya informacion di kico a pasa. Daño material no tabata mucho.