E tabata un caso cu a yega na atencion di autoridadnan e aña’ki. Y tabata pa puro casualidad cu tanta di e dos muchanan, cu awendia tin 7 y 8 aña, a descubri algo straño riba tablet di e muchanan. Asina e caso a cuminsa lora te cu ayera Erick Alexander Gamez tabata dilanti hues.
E echo aki lo a sosode riba un periodo di dos aña cu e homber aki lo a abusa sexualmente di dos yiu homber di dje, for di 2021 te cu inicio di e aña’ki.
A acusa e homber na prome luga di a viola e dos muchanan ora cu nan tabatin 5 y 6 aña. A menciona cu a penetra nan di patras pero tambe a frega su curpa intimo na esun di nan.
Polis a scucha e menornan, di cual un di nan ta mucha special, y a constata cu ambos a duna declaracion similar na otro.
Riba tablet di e muchanan a haya sitenan pornografico, cu fiscal a bisa e ta duda cu un mucha di 5 y 6 aña sa con pa yega eynan. Y e mesun sitenan aki ta habri riba telefon di e acusado tambe, kende ta nenga rotundamente di a mishi cu e menornan. “Mi ta stima mi yiunan y nunca lo haci algo asina cu nan.” Pero di otro banda tin palabra di e muchanan, e video straño di e dos menornan cu a haya riba e tablet y tambe e sitenan habri.
Tur esaki a pone cu fiscal a pidi un castigo di 72 luna, esta seis aña y mey. Dia prome di december lo tin decision den e caso aki.
Pa relato amplio lesa TREMPAN.
