Caribbean Town Villas & Appartments ta un concepto nobo di vivienda, estilo condominio, cual lo wordo realisa na Eagle. E compania Palmaruba Group lo desaroya 328 vivienda, cu ta consisti di studio, appartment di un y dos camber te na un villa di tres camber.
Entre october 2021 y april 2022 a organisa cinco expo di pre-benta caminda cu comunidad por a sera conoci cu e proyecto di cerca, reserva un unidad y/of cumpra nan vivienda na prijs entre Awg.150.000 y Awg. 350.000.
E motibo pa cual ta enfoca hopi riba e eventonan pre-benta ta pasobra cu tin hopi hende cu e necesidad y un deseo grandi di por yega na nan propio cas. Pues, e tabata fundamental pa nos organisa e eventonan aki prime cu e etapa di construccion inicia pa asina nos tambe por garantisa cu Caribbean Town lo ta ofreciendo e miho prijs riba mercado.
Caribbean Town Villas & Appartments lo wordo construi den e area di Bushiri, net dilanti di Office Systems Aruba NV. Esaki ta un localidad perfecto cu ta conectabo cu henter Aruba den cuestion di algun minuut.
PRIJS
E prijsnan ta sumamente atractivo, cuminsando for di 174 mil te cu 355 mil florin te na yabi di cas. No tin molester ni kibramento di cabes mas pa busca tereno, haci tereno limpi ni nada di eseynan mas.
Mester remarca cu den transcurso di e temporada di pre-benta e prijsnan a subi dos biaha caba, pues actualmente a keda cu unicamente 79 unidad cu ta disponibel pa reserva na un prijs entre Awg. 174.000 y Awg. 355.000.
Djis imagina cu abo, como doño di un di e viviendanan aki ta biba den un comunidad residencial, unda cu ta disfruta di e facilidad manera pool, un parke infantil y te hasta un ruta unda cu bo por jog. Con pa reserva? Cu solamente 1.500 AWG esun interesa por reserva un cas pa 6 luna.
CAS BAZAAR
Despues di algun evento bon bishita, Caribbean Town Villas & Appartments su ultimo evento prome cu construccion cuminsa lo ta un “CAS BAZAAR” dia prome y dos di juli. Riba e dos dianan aki, pa prome biaha tur nan partnernan financiero lo t’ey presente pa duna tur hende cu ta interesa pa cumpra nan vivienda den Caribbean Town diferente posibilidad pa yega na un plan di financiamiento.
E evento aki lo tuma luga na Boulevard Events, cu ta keda schuin tegenover di Ling & Sons. Dia prome di juli e evento lo ta di 5:00pm te cu 8:00pm y dia dos di juli, e evento lo ta di 10:00am te cu 8:00pm.
E partnernan di Caribbean Town Villas & Appartments ta
– RBC, CMB, Banco di Caribe
– APFA (To be confirmed)
– Aruba Happy Insurances den nan representacion di Ennia y Guardian Group
– Fondo di Garantia
– FCCA
Riba e dos dianan aki tambe e ekipo di Caribbean Town lo ta presente cu tur informacion necesario y pa yuda tur esunnan cu ta cla pa reserva nan futuro cas. E Arquitecto y Ingeniero nan di CTA tambe lo t’ey pa splica y tocante aspectonan di diseño di cada modelo y tambe e beneficionan.
Den e lunanan di juli y augustus proximo, comunidad di Aruba lo cuminsa mira mas movecion relaciona cu construccion durante luna di Juli y Augustus proximo riba e tereno di Caribbean Town na Schotlandstraat. Esaki ta nifica cu asina cu e groundbreaking tuma luga den e proximo simannan, e prijs di e unidadnan lo subi un biaha mas.
Pueblo di Aruba, no perde e oportunidad aki di yega na bo propio cas, n’e cas di bo soño. Pasa bishita e Cas Bazaar di Caribbean Town & Appartments y yega na e miho financiamento pa bo budget.
