Miguel Mansur: Evelyn ta papia hopi sin bisa nada

“Mi ta haya hopi, pa mi no uza e palabra hipocrita, pero mi ta haya hopi deshonesto pa Prome Minister hiba un discurso nacional gabando su gobierno y tur loke nan a haci e ultimo aña, mirando cu nos tin un KB den porta riba nos Minister di Finansa, cu ta algo cu nunca a yega di sosode. Nunca CAft a yega di menasa cu un aanwijzing manera cu nan a haci ultimamente”, asina Miguel Mansur, lider di partido Accion21 a duna como su prome reaccion, net despues di scucha e discurso nacional di nos prome mandatario.

Miguel Mansur a insisti cu Gobierno di Aruba no ta cumpliendo cu recomendacionnan di CAft, cu Hulanda ta den pone KB riba nos cabes y nos prome mandatario ta sali afo comosifuera cu ta bon su gobierno ta trahando.

Miguel Mansur na Evelyn: Bo discurso ta bashi y sin contenido!

Miguel Mansur na Evelyn: Bo discurso ta bashi y sin contenido!

Posted by 24ora on Sunday, June 26, 2022

“Realmente nos mester di realidad. Nos mester di accion, nos mester di un gobierno capacita y un cu ta papia berdad. Y specialmente un cu ta defende interes nacional. Y tambe mi no kier wak mas populismo. Mi ta compronde cu pueblo ta sufriendo, pero pa nos cambia di direccion, pa pueblo stop di sufri, pueblo tambe mester cuminsa yuda su mes”, asina e lider politico cu a haya 2019 voto riba su nomber, a bisa ayeranochi den un prome reaccion.

Pa lesa mas subi TREMPAN