Polisnan a sigui cu nan di shete anochi di accion cu Toque de Queda. Den diferente caya Polisnan tabata move pa asina garantiza cu tur hende ta respeta e Toque de Queda. Asina mes e detencionnan tabata varios. Den Watty Vos Blvd a detene un homber na pia. E ta biba na e area di Sero Blanco cu San Barbola. E tambe lo haya su multa di 1000 florin. E otro detencion tabata den Guyabastraat. Eynan tabata un ciclista cu a keda deteni. Tambe a bay warda.
E otro tabata den Pagaaistraat den Madiki.
Otro homber riba bicicleta a keda deteni. E tambe a bay warda hunto cu e bicicleta. E multa awor ta costa mas cu e bicicleta. E di cuater detencion tabata den Koningstraat.
Eynan tabata un peaton riba caya den careda di 10:30 di anochi. Asina den un tempo cortico a logra 4000 florin na multa. Esun cu no sa cu Polis ta detenebo entre 9PM pa 6AM riba caya ta nifica cu bo no por ta biba na Aruba.
