Diadomingo mainta trempan autoridadnan concerni, bou vigilancia di polis, a cuminsa pa saca containernan di klapchi warda na e deposito na Wela.
Lito Lacle, vocero policial, a splica cu nan trabou ta pa escolta e containernan pa e puntonan di benta y despues controla cu ta cumpli cu e rekisitonan di ley. El a recorda cu tur material fabrica na 2019 mester ta bendi y uza. Loke cu resta unabes e bay Wela, ta destrui esakinan. Esaki ta un regla di basta tempo caba, pa evita uzo di klapchi bieu.
Rubin Ponson, di e comision di conseho y control, a splica cu nan a cuminsa 4’or di marduga pa distribui pa nan punto di benta.
E aña’ki tur material ta na mita di locual tin añanan anterior. Tabatin importacion di seis container di klapchi. El a recorda cu ta bay tin controlnan den tur e dianan, cuminsando awe.
Ta bay tin solamente dos show e aña’ki cu cambio di aña y e lo tuma luga na hotelnan.
