Den e situacion cu tin actualmente na Aruba, autoridadnan tin hopi bista riba loke ta fiestanan clandestino, pero tambe fiestanan unda cu tin demasiado hende, cu ta bay contra protocol estableci pa DVG.
Diasabra anochi polis a bay tres biaha pa un fiesta na un cas cu lo tabata cobra 50 florin pa entrada. Polisnan cu a bay na e sitio a bin compronde cu ta trata di un fiesta di famia. E problema tabata relaciona cu stacionamento. Door cu nan tabata basta hende, no por a staciona tur e vehiculonan den cercania di e cas di fiesta, pa motibo cu e bisiña kier cobra nan 50 florin pa para nan auto eybanda.
E doño di e fiesta a dicidi di laga mayoria di e autonan para un poco mas leu, riba un tereno publico, cu no ta stroba. Esaki no a cay na agrado di e bisiña cu a haci problema.
