Dialuna anochi, pa mas of menos 7:40 pm, cuater persona a haya ta bon pa cuminsa un discusion dilanti di un supermercado situa na Pastoorhendrikstraat. Segun por a compronde, un mama hoben a bay cumpra co’i come pa su baby, su ex-pareha a yega na sitio y un discusion a start.
E discusion a termina den un pelea, pa colmo dilanti di e baby. Tur persona cu tabata drenta y sali for di e supermercado a presencia e pelea. A detene e mama hoben y transport’e hunto cu su yiu pa ward’i San Nicolas.
Na warda, a solicita presencia di Slachtofferhulp pa atende cu e criatura. E discusion a termina na cuater detencion.
