Tur departamento di gobierno a cera Bispo di Pasco, pero Departamento di Impuesto ta funcionando den un parti special.
Directora di DIMP, Luenne Pieters a splica cu nan ta cera oficialmente, pero nan tabata en espera di e plachi numbernan nobo pa aña 2019. Tabata tin algun contratiempo cu a haya nan mes cun’e, pa loke ta e planning.
E planning a bay un tiki for di schedule, pero por a compronde di biaha for di Retraco cu a haci e bestelling pa DIMP, cu e plachinan ayega.
Consecuentemente mester a ubica e personal pa bin habri e luga y percura pa tur e plachinan wordo poni, pa asina diahuebs, ora cu ta habri oficialmente cuminsa haci e control.
Ta un cargamento grandi. Ta hopi plachi a bin. Controle plaat y tambe nummerplaat caminda cu tin cu controla, wak e cargamento completo y planifica wak ki dia ta otorga e plachinan.
Lo bira manera cu aña bolter, mirando cu falta algun dia mas pa 2018 caba.
Ta un sentimento toch di satisfaccion pasobra ta cera e aña cu tur e metanan cu wordo cumpli. Kier a haya e plachinan un tiki mas na ora pa asina DIMP por haci nan trabao y cumpli. Internamente lo tin cu bay wak, hunto cu minister, mirando cu e plachinan ta laat y e prome deadline ta fin di Januari, wak kico lo bay haci, pa asina duna tur hende nan plachi di number y haya chens suficiente pa paga na nummerplaat y busca nan plachi, sin cu tin rijnan largo, sin cu tin frustracion pa banda di e cliente.
Tin algun cambio cu lo kier trece den e otorgamento di e plachinan cu lo bay facilita e cliente tambe. Manera cu aña bolter ta spera di por anuncia esakinan tambe.
E cantidad di plachinan
Ta hopi plachi tin, segun Pieters. En total tin por lo menos un 83 mil plachi cu a wordo besteld, hunto cu A-platten, Taxi, esunnan di brommer tambe. Ta hopi plachi pa por controla y percura pa tur hende haya nan plachi manera cu aña bolter.
Pago
Ta sigui paga normal. A haci posibilidad di pago caba na comienso di December. Esey ta posibel. Tur cliente por paga. Ta solamente e buscamento di plachi lo bira algo cu lo bin despues, manera cu aña bolter. Lo bay haci un distincion di esnan cu kier nan plachi di biaha. Por paga semper na e oficina principal. Bin busca bo plachi, pero ta para den rij pa busca e plachi y si a paga online caba of a paga caba, lo bay tin un tipo di Happy flow, caminda cu e cliente por yega riba base di cita, caminda cu e cliente por busca su plachi sin tin para den rij.
Ta stimula clientenan cu kier cuminsa paga di antemano, nan nummerplaat, pa despues nan pasa busca nan plachi sin ningun problema.
