Pasco ta un celebracion di union, di paz y di celebracion den famia. E tradicion sinembargo ta diferente na tur parti di mundo. Na Aruba nos a tuma un parti di e tradicion, di tur un poco, for di Europa, Merca y hasta Venezuela.
Dicon Santa Claus ta bisti na cora?
Hopi hende ta pensa cu Santa Claus ta bisti na cora despues cu e marca Coca Cola lo a diseñ’e pa un campaña publicitario den decada di 1930. Aunke e refresco tin “e derechonan” di e paña aki, e realidad ta cu Santa Claus ta bisti na color cora, debi na e trahe di San Nicolas, cu su bisti tradicional ta mantel blanco y cora, cu ta data di siglo IV.
Pasco ta un celebracion di union, di paz y di cekebracion den famia. E tradicion sinembargo ta diferente na tur parti di mundo. Na Aruba nos a tuma un parti di e tradicion, di tur un poco, for di Europa, Merca y hasta Venezuela.
Dicon nos ta pone un corona of kerstkrans na porta?
E tradicion di e corona di pasco ta data di tempo di e tradicion Griego, ora cu tabata colga un corona traha di trigo na porta durante henter aña. E Cristiannan di Alemania a adopta e tradicion den siglo XVI. E corona tabata wordo traha di blachinan berde simbolisando bida eterno y e forma circular cu ta representa e ciclo infinito di Dios.
E origen di kerstboom?
Poco di nos ta puntra riba e idea di tin un kerstboom den cas. Mirando esey, e custumber ta parce poco straño. E ultimo aki ta data for di Alemania y nort di Francia, ora e obranan di teatro tabata conta creacion di mundo.
Den cada representacion di 24 di December, un mata ta aparece riba escenario, decora cu appel y cinta pa simbolisa e mata di bida den e Hardin di Eden.
Tabata Reina Victoria di Inglateria cu a pone e kerstboom “na moda” na Gran Britania, despues cu su casa Aleman (Prins Albert), a decora su mata den e Palacio di Windsor na 1841.
Di unda ta bin e idea di e Calender di Advent?
E concepto di advent a existi durante siglos, pero ta un ama di cas di Munich cu lo tabata esun cu a inventa e calender di Advent, pa evita e preguntanan interminabel di su yiu homber riba e cantidad di dianan cu mester warda te Pasco.
Pa haci’e mas atractivo, el a colga cos dushi den cada caha di e calender. Na 1908, su yiu homber a reproduci e calender aki den varios copia pa su comercialisacion.
Tabata Reina Victoria di Inglateria cu a pone e kerstboom “na moda” na Gran Britania, despues cu su casa Aleman (Prins Albert), a decora su mata den e Palacio di Windsor na 1841.
Ayaca
E Ayaca ta tradicional na Venezuela y tambe popular den ciudadnan Colombiano cerca di Venezuela, manera Cucuta y Barranquilla (unda cu por hay’e durante henter aña), na Corsou, Aruba y Boneiro y tambe na Islanan Canaria na Spaña y na Ecuador a rais di e regreso di e emigrantenan for di Venezuela. Na e luganan aki el a wordo adopta como un di nan platonan tradicional, specialmente durante e temporada di Pasco.
Leyenda ta bisa cu e ayaca (Allaca) tabata restonan di cuminda cu e Carakeñonan tabata duna e indjannan cu tabata traha riba e caretera di Caracas pa Puerto di La Guaira, pa asina nan por a yena den nan bollo of tamal. Tin mas storia riba con Ayaca a bin na existi, esaki ta djis un di nan.
Esaki ta algun di e hopi tradicionnan cu nos a adopta aki na Aruba, pa loke ta nos celebracion.
